TGAU Cerddoriaeth

Mae astudio cerddoriaeth yn caniatáu i ddysgwyr brofi un o ieithoedd mwyaf byd-eang dynoliaeth, a hynny mewn amrywiaeth o gyd-destunau cymdeithasol a hanesyddol. Mae hyn yn cynnwys dealltwriaeth o amrywiaeth eang o gerddoriaeth sydd wedi’u creu a’u perfformio gan eraill.

Bydd TGAU Cerddoriaeth yn darparu cyfoeth o gyfleoedd i ddatblygu creadigrwydd, sgiliau cyfathrebu a chwilfrydedd trwy ddysgu drwy brofiad. Mae hefyd yn rhoi’r gallu i ddysgwyr gyfathrebu’n gerddorol gyda rheolaeth dechnegol a soffistigeiddrwydd.

Bydd y cymhwyster yma’n ysbrydoli dysgwyr i sylwi ar eu profiadau, eu mynegi a’u rhannu’n hyderus.

Ar beth fydd dysgwyr yn cael eu hasesu?

• Arddangos a defnyddio gwybodaeth a dealltwriaeth gerddorol gydag amrywiaeth eang o gerddoriaeth sydd wedi eu creu a’u perfformio gan eraill.
• Cyfathrebu’n gerddorol gyda rheolaeth dechnegol, mynegiant a dehongliad.
• Creu a datblygu syniadau cerddorol er mwyn gwireddu bwriadau artistig gyda rheolaeth dechnegol o’r elfennau cerddorol.
• Defnyddio sgiliau gwerthuso i greu a mynegi barn werthusol a beirniadol ynglŷn â’u cerddoriaeth eu hunain a cherddoriaeth pobl eraill.

Sut bydd dysgwyr yn cael eu hasesu?

• Arholiad (35%) yn targedu gwybodaeth a dealltwriaeth hanfodol sylfaenol.
  • Bydd yr arholiad yma’n cynnwys asesiad digidol, ar-y-sgrîn.
• Perfformiad ymarferol (32.5%) a chyfansoddi (32.5%).
  • Bydd tasgau perfformio a chyfansoddi’n cael eu gosod gan y corff dyfarnu, eu marcio gan athrawon a’u cymedroli gan y corff dyfarnu.

I gael rhagor o fanylion am bwrpas a nodau, cynnwys a threfniadau asesu'r cymhwyster yma, darllenwch y cynnig dylunio llawn.

Mae fersiwn sy’n addas ar gyfer pobl ifanc hefyd ar gael.