Taith y Dysgwr

Yn dilyn adolygiad Llywodraeth Cymru o gymwysterau galwedigaethol yng Nghymru, rydyn ni wedi gweithio gyda rhanddeiliaid i gynhyrchu mapiau cymwysterau galwedigaethol ar gyfer dysgwyr yng Nghymru.

Rydyn ni am gynhyrchu adnoddau defnyddiol sy'n dangos yr holl wahanol opsiynau a llwybrau sydd ar gael ym mhob sector, i gefnogi eich ymchwil i gymwysterau galwedigaethol. Nod adnoddau teithiau dysgwyr yw:

• cefnogi dysgwyr a'u rhieni wrth iddyn nhw ymchwilio i'w hopsiynau mewn maes galwedigaethol

• bod yn hygyrch ac yn afaelgar

• rhoi golwg syml o'r holl lwybrau ac opsiynau sydd ar gael

Fel prosiect peilot, rydyn ni wedi dechrau trwy gynhyrchu teithiau dysgu ar gyfer y sectorau Chwaraeon a Gwasanaethau Cyhoeddus. Dim ond man cychwyn yw hwn, ac rydyn ni am glywed eich sylwadau a'ch adborth fel y gallwn sicrhau ein bod yn cynhyrchu dogfennau taith dysgu sy'n ddefnyddiol i chi.

Rydyn ni eisiau clywed eich sylwadau a'ch adborth. Cymerwch olwg ar y teithiau dysgu rydyn ni wedi'u cynhyrchu ar gyfer Chwaraeon a Gwasanaethau Cyhoeddus a rhowch wybod i ni beth yw eich barn fel y gallwn ddeall a fydden nhw’n ddefnyddiol i chi.

Cliciwch ar y ddolen 'Rhoi adborth' isod i Ddweud Eich Dweud. Bydd eich adborth yn ein helpu i sicrhau ein bod yn cynhyrchu adnoddau sy'n ddefnyddiol i chi wrth i chi ystyried eich cyfleoedd dilyniant a phenderfynu pa lwybr i'w gymryd.

Bydd yr arolwg hwn yn cau ddydd Gwener 13 Mehefin 2025.

Cyn ymateb i'r arolwg, bydd gofyn i chi gofrestru neu fewngofnodi. Mae'n broses syml sy’n darparu'r wybodaeth sydd ei hangen arnom i’n helpu i ddadansoddi eich ymatebion. Am fwy o wybodaeth am pam rydyn ni'n casglu gwybodaeth bersonol, sut mae'n cael ei gadw ac sut rydyn ni'n gallu ei ddefnyddio, darllenwch ein Polisi Preifatrwydd | Dweud eich dweud - Cymwysterau Cymru. Os ydych chi eisoes wedi defnyddio'r platfform yma i ddweud eich dweud ar unrhyw un o'n hymgynghoriadau neu arolygon, yna ni fydd angen i chi gofrestru eto. Yn syml, mewngofnodwch drwy ddefnyddio eich manylion cyfredol.